प्रतिभा एकटा अविरल वस्तु होइत अछि! जेकरा में जतेक तरहक से ततेक निमन व्यक्ति होइत छथि! व्यक्तित्वक परख प्रतिभा माध्यमेटा होययै! कला ककरो बपौती नहि, ओ त साधनाक वस्तु थिक! साधनाक बले कहल जाय छै जे बैजू बाबरा मंजिरा पिघला देने छला आ तानसेनक गीत सुनबा लेल जंगल सँ हिरण सब अबे छल ! एक बेर पबित्र भूमि  मिथिला में बरखा नहि भरहल छलै तखन राजस्थान सँ ध्रुपद गायक सब आबि मेघराग(बादलराग) गेने छल, तत्पश्चात चिक्कन बरखा भेलै! कहबाक भाव इ जे संगीत त जानवरोक पियरगर होय छै आ संगे अदभुत शक्तिशाली सेहौ होयै ! सुर कें जखन गायक/गायकी अपन कंठ दे छथिन त मौन, अह गद-गद भ जाय छै! आधुनिक मैथिली जगत में ऐहने अदभुत नाम अछि, श्री हरिनाथ झा जी !मैथिली गायन, संगीतकार, आ ध्रुपद गायन सब क्षेत्र में अदभुत प्रतिभा सम्पन्न आदरनीय हरिनाथ झा जीक जन्म मिथिलाक दरभंगा जिला अंतरगत मधुप नगर कोर्थु में सन  6 जून 1967 कें स्वर्गीय बलराम झा आ रामदाय  देवीक परिवार में भेलनि! कोर्थु गाम मूलतः महाकवि चूड़ामणि प. काशी कान्त मिश्र मधुप"जी क कारणे साहित्यक झेत्र म बड़ चर्चित रहल अछि! एतहिक छथि वर्तमान लोकप्रिय हास्य कवि डा .जय प्रकाश चौधरी जनक"जी !कोर्थु गाम साहित्य एवं संगीतक रूप सँ समृद्ध गाम मानल जायत अछि !!!

इ राज्कृत जनता उच्च विधालय, शिवनगरघाट(कोर्थु) सँ 1983 में माध्यमिक, 1985 में C.M  Science College,दरभंगा सँ I.Sc केला ओते सँ पदार्थ विज्ञानं सँ 1988 में स्नातक केला! 

हरिनाथ झा बच्चे सँ संगीतक प्रति बताह रहला !!संगीतक शिक्षा प्रभाकर (B .A),भाष्कर( M .A), M. म्यूाज , M. फिल्म आदि केँ अतरिक्त हरिनाथ झा भारत क एहन पहिल कलाकार छथि जे आकाशवाणीक सब विधा ,यथाः, युवा वाणी, लोकसंगीत, सुगंम संगीत, शास्त्रीय संगीत, ध्रुपद संगीत एवंम नाटक में मनोनीत भेला !!!!

पछिरल गामक पाछिरल परिवार में जन्म भेलाक बादो हरिनाथ झा कर्मिक रूप सँ उन्नतिशील बनल रहला, तकर मूल आधार अछि गायत्री आ गुरु !!

गायत्री परिवारक संस्थापक सरंझक प .श्री राम शर्मा वेदमुर्ति तपोनिष्ठ आचार्य आ परम वंदनीया माता जी श्री मति भगवती देवी शर्मा हिनक मंत्र गुरु छथि!!!

दरभंगा क परम पूज्य संगीत गुरु पंडित हरिद्वार प्रसाद खण्डेलवाल हरिनाथ झा कें क प्रथम संगीत गुरु छथि!!  

दिल्ली प्रवासक मध्य ई ध्रुपद केर डागर परम्पराक शिष्य बनला आ पदम् श्री उस्ताद वसिफ्फुद्दीन डागर सँ शिक्षा ग्रहण करैत रहला!!!!मैथिली में  कैसेट-सी-डी आदि हिनकहि सत्प्रयास सँ प्रचलित भ सकल !!संगीत निर्देशक के रूप में मैथिली एवंम अन्यान भाषा में एक हजार सँ अधिक कैसेट T-Series आ कतेको अन्य कंपनी तक उपलब्ध अछि!! 25 सँ बेसी धारावाहिक में सेहो संगीत द चुकला!! 

इपटा, N.S.D, दूरदर्शन,संगीत नाटक एकेडमी,साहित्य कला परिषद आदि संस्था में इनपैनल हेवाक अतरिक्त हरिनाथ झा दूरदर्शन लेल कय टा धारावाहिक एवं वृतचित्र सेहो बना चुकल छथि !

1860 ई. में अंग्रेज भारत सँ 500 किसान पनिया जहाज सँ अफ्रीका ल गेल! इ किसान सब अन्य कारणे वापस नै आबि सकला आ अफ्रीका,लिसोटो,जिम्बाबे,बोतूसना आदि देश म बसि गेला! वर्तमान में हरिनाथ झा अहि भारतीय सभकेँ घरे-घर जा भारतीय संगीत,हिंदी,मैथिली ,भोजपुरी,पूजा-पाठ,मंत्र,परमपरा आदि सीखा रहल छथि !!!

आइ संप्रति इ दक्षिण अफ्रीका में रहि रहल छथि!

इ कोलकाताक मिथिला विकाश परिषद् दुआरा 2001 में मिथिला सम्राटक अलंकार सँ विभूषित कैल गेला जे हिनक अदभुत मैथिली सेवा लेल देल गेलनि ! छतीसगढ़ केर मैथिली मंच दुआरा विधापतिक गायनक "दादा फाल्के पुरस्कार सँ सेहो सम्मानित छथि!

किछ अन्तराष्ट्रीय आ और दोसरो मैथिली संघक सम्मान स सम्मानित छैथ, जकर जानकारी हमरा नै अछि.....   

हरिनाथ झा जीक, युवा अवस्था क फोटो  

सवांद:- मनोहर कुमार झा, राजीव मिश्र   प्रस्तुति:- अपन मिथिला धाम   

Tags:- Hari Nath Jha, Maithili Singer Hari Nath Jha, Dhrupad singer Hari Nath Jha, Korthu Ratn Hari Nath Jha, Hari Nath Jha maithili Songs, Hari Nath Jha Video Songs, Free Download Hari Nath Jha Maithili Songs, Biography of Hari Nath Jha, Hari Nath Jha of Korthu Village(Darbhanga), Hari Nath Jha in South Africa, Hari Nath Jha

मिथिला विभूति मुधर्न्य गायक सुमन सौरभक जन्म मिथिलाक दरभंगा जिलाक "मधुप नगर" कोर्थु में 9 फरवरी 1979 कें भेल छल! इ स्व० श्याम किशोर ठाकुर आ शकुन्तला देवीक कनिष्ठ बालक छथि! अदभुत प्रतिभा व्यक्तित्वक धनि छथि! गायकी के संगे-संग क्रिकेट म सेहो रूचि छनि, जाहिक कारणे कतेको बेर "मैन ऑफ़ द मैच" कें ख़िताब स्थानीय ग्रामीण प्रतियोगता सब में भेटल छनि! 

Tags:- maithili Singer Suman Saurabh, maithili Devi geet singer Suman Saurabh, Suman Saurabh maithili songs, Suman Saurabh maithili devi songs, Jai kaniya Suman Saurabh, korthu, Suman Saurabh of korthu, Kothu Village, Suman Saurabh proud of korthu village(darbhanga Mithila, Devi Mahima Suman Saurabh songs, Barua Dularua Suman Saurabh, Bhagwati songs of Suman Saurabh, suman saurabh bhagwati geet

ई छथि मैथिलीक लोकप्रिय गायक सुरेश पंकज । मूलत: समस्तीपुरक खजुरी निवासी । अपन गायकीक विशिष्ट अन्दाज लेल चर्चित गायक सुरेश पंकजक “जमाना बदलि गेलैय”, “पाहुन”, “कोहबर घर”, “तोहरे शरणमें”, “मीता” आदि दर्जनों म्यूजिक अल्बम चर्चित रहल अछि।
57 वर्षीय सुरेश पंकज एखनो धरि खूब सक्रिय छथि आ मैथिली संगीतक क्षेत्र में अपन विशिष्ट योगदान दय रहल छथि । 5 दिसंबर 2011 के बनगांव (सहरसा) में आयोजित भव्य समारोह में लक्ष्मीनाथ स्मृति पर्व पर देल जाय बला लक्ष्मीनाथ स्वर सम्मान एहि बेर सुरेश पंकज जी के प्रदान कयल गेल अछि।

मैथिली भाषाक चर्चित गायक हेमकान्त जीक जन्म दर्भंगा जिला अन्तर्गत शुभंकरपुर ग्राम में 1949 भेल छल। हिनकर पिताक नाम स्व. सूर्यकान्त झा आर मायक नाम पूनम देवी छलनि। हिनकर बाबूजी अपना समयक नामी अधिवक्ता छलाह । हेमकान्त जी लगभग 6000 सं ज्यादा गीत गेने छथि। हिनकर पहिल कसैट एस एम सीरिज सं निकलल छल जे बाद में नीलम कसैटक नाम सं प्रसिद्ध भेल। कालान्तर में हेमकान्त जी अनेको कम्पनीक लेल गीत गेलनि जेना टी सीरिज, टीप्स,एचएमवी, नीलम। हिनकर पहिल “सनेस” छल। सनेश क्यासेट बजारमे एलाकबाद मैथिली संगीतक दुनियामे तहलका मचौने छल । दुर्भाग्यवश, हेमकान्त झाकें दरभंगामे निधन भय गेल । हुनका ब्रेनहेम्ब्रेज भेल छल ।


५० वर्षीय गायक हेमकान्त मैथिली संगीत क्षेत्रक चर्चित नाम रहथि । मामा यौ कनि खैनी दिय सन चर्चित गीतक ओ गायक रहथि । हुनक सनेश , हिमरेखा, भौजी, चल मिथिलामे चल, सौगात, कखन हरब दुखमोर, ममता, सन दर्जन सँ बेसी एलबम निकलल अछि ।
मिथिलाञ्चलक कोनो एहन मञ्च नहि छल जाहिमे ओ आमन्त्रित नहि होइत छलाह । हुनक निधनकँे बाद सम्पूर्ण मिथिलाञ्चलमे शोक व्यक्त कएल जा रहल अछि । हेमकाण्त झाकेँ निधनसँ मैथिली आन्दोलनकेँ बडका क्षति भअ गेल। हेमकान्तकेँ आधुनिक मैथिली गीतकेँ जनजनमे पहुँचाबयबला व्यक्तिकँे रुपमे जानल जाइत अछि। हेमकान्तक निधन सँ गीत संगीत क्षेत्रके बडका धक्का लागल ।


 ‘एतेक बडका स्टार भेलाक बादो हुनकामे कनिको अहम नहि छल’।
  कहल जायत छै कि ‘रबीन्द्र महेन्द्र मैथिली गीत संगीतकें गाम गाममे पहुचौलथि तऽ हेमकान्त बजार विस्तार कएलन्हि ।’


Tags:- Maithili songs, maithili mp3 songs, maithili singer,biography of maithili artist, biography of maithili singer Hemkant jha, maithili songs of Hemkant Jha, Maithili Video songs of Hemkant Jha, maithili Songs, maithili comedy

                        Ansu Mala Jha with APJ Abdul Kalam
अंशु माला झा बहुचर्चित बहुमुखी प्रतिभाशाली गायिकाक नाम थिक । मूलत: मधुबनी जिला अन्तर्गक कलुआहीक ढंगा पश्चिम ग्रामक रहनिहार अंशु माला एक किसान परिवार सं संबंध रखैत छथि। अपन गाम सं बचपने सं जुड़ल अंशुमालाक प्रारंभिक शिक्षा दीक्षा पटना में भेलनि आ पटना के ही अपन कर्मभूमि बनौलनि । पटना सं ग्रेजुएशन केला के बाद आगुक पढाई लिखाई के लेल ई दिल्ली चलि एली । दिल्ली विश्वविद्यालय के मिरान्डा हाउस कॉलेज सं एम ए, एम फ़िल केला के बाद ऎखन अंशुमाला अहि ठाम सं हिन्दुस्तानी क्लासिकल आ विद्यापति संगीत में पीएचडी कय रहल छथिन।                       बिहार कें तत्कालीन राज्यपाल डॉ ए .आर किद्बई स प्रथम पुरस्कार प्राप्त करैत  
अंशु माला के बचपने सं संगीतक प्रति विशेष रुझान आ लगाव रहनि । परिणामत: ई कक्षा प्रथम सं ही अपन स्कूल तरफ़ सं रंगमंच पर अपन मधुर गायनक प्रदर्शन कर लगली। हिनकर आकर्षक आ सुन्दर प्रदर्शन के देखैत अंशु माला के बिहारक तत्कालीन मुख्यमंत्री श्री लालू प्रसाद केर हाथ सं पहिल पुरस्कार भेटल छल। पुरस्कार प्राप्त कय अंशु माला आरो प्रोत्साहित भय गेली। अपन माता पिता के से हो संगीत सं विशेष लगावअक कारण हिनका हुनका सब सं बहुते सहयोग भेटलनि। मैथिली लोक संगीत आ संगीतक क्षेत्र में हिनकर पहिल “गुरु” अंशु मालाक मां श्रीमती शशि किरण झा छथिन । हुनका बाद अंशु माला श्री हॄदय नारायण झा सं से हो लोकगीतक शिक्षा प्राप्त केने छथि। 
                राष्ट्रपति डॉ एपीजे अब्दुल कलाम स आशीर्वाद  लैत
अंशु मालाक सोगीत जीवन में स्कूलक संगीत शिक्षिका श्रीमती उषा चौधरीकप्रेरणा बड पैघ आ महत्वपूर्ण भूमिका छनि । श्रीमती उषा चौधरी द्वारा प्रेरित केला पर ही अंशु माला अपन क्लासिकल संगीतक शिक्षा के आगा बढौने रहथि । बाद में अंशु माला कतेको संगीत गुरु सं शिक्षा ग्रहण केलि जाहि में पंडित देवानन्द ठाकुर, श्री गौतम बनर्जी, प्रो डॉ नीरा चौधरी किछु विशेष नाम अहि। दिल्ली अयला पर अंशु माला पंडित राजन साजन मिश्रा सं से हो संगीतक गूढ तत्व सिखली।                      दिल्ली कें श्री राम सेंटर में गायन करैत अंशु माला 
अशु माला अपन आदर्श अश्विनी भिड़े देशपाण्डे के मानैत छथि जिनका सं बहुत किछु सीखलनि। मैथिली लोक संगीत में प्रशिक्षण के लेल संस्कृति मंत्रालय , भारत सरकार द्वारा हिनका चात्रवृति प्रादान कयल गेल अछि। प्रयाग संगीत समिति , इलाहाबाद सं 2001 में “प्रभाकर” डिग्री लेलनि। भारत के लगभग 24 राज्य में अंशु माला जी द्वारा अनेको बेर संगीतक प्रस्तुतीकरण कयल गेल अछि आएखन धरि आकाशवाणी (ऑल इन्डिया रेडियो ) में गजल आ लोक संगीतक नियमित कलाकारक रुप में जुड़ल छथि। विद्यापति पर्व समारोह में अनेको ठाम अपन गायनक सुन्दरतम प्रस्तुतीकरण केने छथि आ कय रहल छथि। अखिल भारतीय 9 वां राष्ट्रीय युवा पर्व/समारोह में बिहार सं क्लासिकल गीत में प्रथम पुरस्कार भेटल छलैन। अहि में अंशु माला बिहार राज्य के प्रतिनिधित्व केने रहथि। आकाशवाणी में कतेको फ़ीचर में बिहारक प्रतिनिधि रहथि। लद्दाख में आयोजित “सिंधु दर्शन” में से हो बिहार संस्कृतिक प्रतिनिधित्व केने छथि । डीडी भारती, डीडी नेशनल, महुआ टीवी, ईटीवी, सहारा समय, न्यूज 24 में अपन गायन कय चुकल छथि। दिल्ली विश्वविद्यालय में 2005-2006 में इन्टर कॉलेज प्रतियोगिता में क्लासिकल गायन लेल श्रीमती प्रधानमंत्री गुरुशरण कौर आर दिल्ली विश्वविद्यालय के वाइस चांसलर प्रो दीपक पेंटल के हाथ सं प्रथम पुरस्कार प्राप्त केनाय अंशु मालाक बड़ पैघ उपलब्धि अछि ।अंशु मालाक एल्बम – प्रिय पाहुन, मैथिली विवाह गीतक सीडी मिथिलांचल में हिनकर सुमधुर गायनक लेल बहुत लोकप्रिय मानल जायत अछि। मैथिली फ़ीचर फ़िल्म “सीतायण में गायन” में हिनकर गायन मधुर स्वर मनमोहक अछि!आहिके अतिरिक्त, अंशु माला एखन नवका प्रोजेक्ट पर काज कय रहल छथि।


रिपोर्ट- भास्कर झा , मैथिलि सिनेमा डेस्क