Maithili,Mithila,Maithili Songs,Maithili Mp3 Songs, Mithilanchal/>

मूल नाम- मनीष कुमार झा
रचना में- मनीष झा “बौआभाई”

पिता – पं. श्री नारायण जी झा
पितामह – स्व.पं. सत्यदेव झा
जन्म तिथि- २५ अगस्त १९८१ ई.

जन्म स्थान :
ग्राम+पोस्ट- बड़हारा
भाया – अंधरा ठाढी
जिला -मधुबनी (बिहार)
पिन-८४७४०१

पठन -पाठन :
जागेश्वर रामेश्वर संस्कृत मध्य विद्यालय, बड़हारा (वर्ग सातम तक)
राजदेव जनता उच्च विद्यालय, नवनगर (वर्ग दसम तक)
आर. के. कॉलेज, मधुबनी [बी.कॉम.(प्रतिष्ठा) तक]

अर्थोपार्जन :
वर्तमान में एकटा बहुराष्ट्रीय (सिंगापुर) कंपनी में कार्यरत I

कैसेट (गीतकार)क रूप में-

१. सरस्वती पूजा (JAISHREE CASSETES)
२. मइया रानी (SUGATI SOPAN)
३. हे भोला बाबा (TOP MUSIC)
४. बिजुरिया चले छम-छम (MCPL)
५. सजनाक प्रेम(AAVL)
६. जुल्फी वाली रनियाँ भाग-२ (T-SERIES)
७. हेल्लो मिथिला (T-SERIES)
८. रसमलाई (K.N.PRODUCTION)
९. झारखण्ड बोकारो घुमइबौ गे-खोरठा (RP MUSIC)
१०.आँच (A-one films & entertainment)
११.मूड फ्रेश (A-one films & entertainment)
१२.सरस्वती पूजा भाग-२ (A-one films & entertainment)

पत्रिका (कवि/लेखक)क रूप में :-

आँकुर त्रैमासिक पत्रिका-
(i) आचरण(कविता),
(ii) अफरल पेट(कविता),
(iii) प्रशंसा पत्र(कविता),
(iv) माय बाप के बखरा(कविता)
(v) हमरा चाही ढौआ(कविता)
(vi) नैं छै ओ सम्बन्ध सरोकार (कविता)
(vii) दुनु बापुत (कविता)
(viii) सत्ता के शिकार (कविता)

स्मारिका -वी एम वाई एम
(i) ऋतु बसंत(कविता)
(ii) मिथिलाक चित्रकला(लेख) ,
(iii) केदैन पुछैइयै (कविता)
(iv) जय भारती करी आरती(आरती),
(v) मैथिली गीत संगीत (लेख),
(vi) माय (कविता)
(vii) समयक अश्रुपात(कविता)
(viiii) सरगम(कविता)
(ix) समाजक प्रेरणा (कविता)

झलक मिथिला (साप्ताहिक समाचार पत्र)
(i) फहराइयै पताका (कविता)
(ii) छी मानव अलबत्ते हम (कविता)
(iii) श्रद्धांजलि (कविता)

विदेह (प्रथम इंटरनेट पत्रिका)
मैथिल आ मिथिला (इंटरनेट पत्रिका)
आ आन-आन दर्ज़नो पत्रिका में प्रकाशित रचना I

एखन धरि करीब २५ टा स’ बेसी मंच पर
मंच सञ्चालन/गायन/कविता पाठ आदि प्रस्तुत क’ चुकल छथि I

विभिन्न विषय पर अनेको रचना प्रकाशाधीन आ कैसेट्स सभ प्रक्रिया में I

हिनक विस्तृत जानकारी भेटत
Blog: www.manishjha1.blogspot.com

कविकोकिल विद्यापति ठाकुर, मैथिल ब़ाह्मण, मूल विसैवार, सौराठ ग़ाम के निवासी छलाह ।पश्चात् विसफी ग़ाम में आवि वसलाह । हुनक धम॔ पत्नी सुधीरा, दुल्लहि पुत्री, हरिपति पुत्र छलथिन्ह । एकटा मूँह लगुआ नोकर रामा छलन्हि । एकटा बरद, किछु खेत छलैन्ह जाहि सँ कष्टेमे गुजर करैत छलाह ।
विद्यापति कविता कलाप के विशेष रसज्ञ तथा मिथिला महाराज शिव सिंह उफ॔ शिवै सिंह के प़धान राज कवि छलाह । अनेक ग़न्थक रचयिता यथा कीति॔लता, पुरूष परिक्षा, लिखनावली, शैवसव॔स्व, विभगासार, गयापतन, दुगा॔भक्तितरंगणी, दानवाक्यमाला, गंगावाक्यावली छलाह । हुनक रचल घनेर तिरहुत गीत छन्हि । मिथिलावासी एहन के हेता जिनका विद्यापतिक एक आध रचना याद नहि हेतनि । यथा ” माधव कि कहब सुन्दरि रूपे, कतेक जतन विधि आनि समारल देखइत नयन स्वरूपे ।” ” महेशवाणी ….हम नहि आजु रहब अहि आँगन जौँ बुढ होएत जमाय ” ।।
विद्यापति जीक पितामही श्रीमति लक्षमी ठकुराइन विदुषी छलथिन्ह जे राजा हरिसिंह देव के सभा जाय श्रीमान् हरिनाथ मिश्रजीक पत्नी के लाँक्षित होमय सँ बचोने छलथिन्ह।

महाराज हरिसिंहदेव गायक छलाह, हुनकर सभा में बहुत नीक..नीक गायक छलैन जाहि में कलानिधि नामक गायक सेहो छळाह अथा॔त हुनका लोकनिक वण॔ण विद्यापति जी अपन रचना पुरूषपरिक्षा ग़न्थ में गीताविद कथा शिष॔क कहानी में विस्तृत वण॔न कएने छथि । अस्तु देवसिंहक वाद हुनकहि पूत्र शिवसिंह राजा भेलाह जिनकर राजधानी देकुली के नजदीक वगमतीक तट पर गजरथपुर नगरी छलन्हि । मुसलमानक आक़मण सँ गजरथपुर विनष्ट भय गेल महाराज शिवसिंह दिल्ली कारागारहिं में मृत्यु के प़ाप्त कएलन्हि, हुनक धम॔ पत्नी लखिमा ठकुराइन के विद्यापति ठाकुर शिवसिंहक मित्र जे सप्तरी में रहैत छलाह ओतहि लय गेलथिन्ह, बारह वष॔ धरि शिव सिंहक प़तिक्षा में रहलाह विद्यापतिक लेल इ सभ सँ कष्टमय समय छलन्हिं । ओहि अवधि में विद्यापति जी “लिखनावली” नामक पुस्तकक रचना कएलन्हि जाहि में पुरादित्यक उल्लेख अछि । बारह वष॔क “सन् १४४५ सँ १४५७ धरि” वाद लखिमा देवी सती भय गेलीह तथा शिवसिंहक भाई पद्मसिंह मिथिलाक राजा भेलाह, हुनक स्वगा॔रोहणक पश्चात्य पद्मसिंहक पत्नी विश्वास देवी राजा भेलीह, विद्यापति जीक रचना शैवसव॔श्वसार नामक ग़न्थ में विश्वास देवीक बहुत प़शंसा कएने छथि ।

शिवसिंह एवं पद्मसिंह दूनू निःसन्तानी छलाह तैं देवसिंहक भाइ हरिसिंह जे हरड़ी ग़ाम, अन्धराठाढी प़खण्डक अन्तग॔त अछि रहैत छलाह हुनकहि पुत्र हृदयनारायण उपनाम नरसिंह मिथिलाक राजा भेलाह, जिनको राजकवि विद्यापति छलाह । मिथिला महाराज नरसिंहक आदेस पर विद्यापतिजी “विभागसार” नामक पुस्तक बनोलनि ।
महाकवि जन्मना ज्ञाणी, राजा शिवसिंह मुख्यसचिव, राजकवि, गृहस्त छलाह । महाकविक कविताकलापक माधुय॔ पर मुग्धभय अनन्तकोटिब़ह्माण्डनायक भगवान आशुतोष “शंकर” स्वयं “उगना” रूप में महाकविक सेवक बनि गेल रहथि . महाकविय शेव्य आ ब़ह्माण्डनायक शंकर “उगना” रूप में सेवक । वाँकी कथा सव॔ विदित अछी……………………
महाकवि अन्त समय में महाप़याणक लेल जखन खरखरिया पर गंगा निकट जा रहल छलाह तँ वाटहिं में बुझि परलैन्ह जे हमर समय निकट आवि गेल कि महाकवि झट दय बाजि उठलाह औ कहरिया सभ आब गंगा कतेक दुर छथि ? उ सुनि कहरिया कहलकन्हि गुरूजी भरिसक अहिठाम सँ दू कोस हेतीह । ई सुनितहिं महाकवि कहलथिन्ह अरे हम जखन अतेक दूर आवि गेलहुं तँ कि हमर इष्टदेव भ़ह्माण्डनायक उगनाक गंगाजी एतेक दूर नहि एतीह । ई कहि खरखरिया सँ उतरि महाकवि अपन गंगाधर उगनाक नचारी गावय लगलाह । गेर कि छल डमरूक शव्द जकाँ शव्दायमान करैत भगवती भागिरथी धरती कें चिरैत महाकविक निकट पहुँचि गेलीह, आ महाकवि ओहिसुरनदी “गंगाजी” में सदेह समा गेलाह ।
ओ स्थान समप़ति में समस्तीपुर जिला में विद्यापति नगर “स्टेशन” सँ प़ख्यात अछि महाकविक समाधि पर विराजमान् आशुतोषभगवान गंगाधरक भब्य “विद्यापति नामक शिवमंदिर एखनहुँ महाकविक यशोगान कय रहल अछी ।

जीव कान्त मिश्र, अड़ेर मधुबनी
महासचिव
विड्यापति परिषद् , सिन्दरी, धनबाद, झारखण्ड

कालीकांत झा “बूच” क जन्म, महान दार्शनिक उदयनाचार्यक कर्मभूमि समस्तीपुर जिलाक करियन ग्राममे 1934 ई. मे भेलनि । पिता स्व. पंडित राजकिशोर झा गामक मध्य विद्यालयक प्रथम प्रधानाध्यापक छलाह । माता स्व. कला देवी गृहिणी छलीह । अंतरस्नातक समस्तीपुर काॅलेज, समस्तीपुरसँ कयलाक पश्चात् बिहार सरकारक प्रखंड कर्मचारीक रूपमे सेवा प्रारंभ कयलनि । बालहिं कालसँ कविता लेखनमे विषेश रूचि छल । मैथिली पत्रिका – मिथिला मिहिर, माटि – पानि, भाखा तथा मैथिली अकादमी पटना द्वारा प्रकाशित पत्रिकामे समय – समय पर हिनक रचना प्रकाशित होइत रहलनि । जीवनक विविध विधाकेँ अपन कविता एवं गीत प्रस्तुत कयलनि । साहित्य अकादमी दिल्ली द्वारा प्रकाशित मैथिली कथाक विकास (संपादक डाॅ बासुकीनाथ झा ) मे हास्य कथा कारक सूची मे डाॅ विद्यापति झा हिनक रचना ‘‘धर्म शास्त्राचार्यक उल्लेख कयलनि । मैथिली अकादमी पटना एवं मिथिला मिहिर द्वारा प्रशंसा पत्र भेजल जाइत छल ।श्रृंगाररस एवं हास्य रसक संग-संग विचार मूलक कविताक रचना सेहो कयलनि । डाॅ दुर्गानाथ झा श्रीश संकलित मैथिली साहित्यक इतिहासमे कविक रूपमे हिनक उल्लेख कएल गेल अछि । प्रकाशित कृति (मृत्योपरांत) : कलानिधि- कविता-संग्रह।

Facebook Page: कालीकांत झा “बूच”

नाम :– प्रो० रामचंद्र मिश्र “मधुकर”|

मैथिल ब्राह्मण ,मूल – पंचोभेददरी ,गोत्र –सावर्ण |

पिता—स्व० बाबूजी मिश्र |

माता –सिधेश्वरी देवी |

स्थायी पता – ग्राम + पो० नरुआर ,थाना –भैरव स्थान ,

जिला – मधुबनी ,[मिथिला ] बिहार |

पत्राचार – ६३ ए जय भारत इन्क्लैब ,साहिबा बाद ,राजेन्द्र नगर ,गाज़ियाबाद [यू, पी]

शिक्षा –एम् ० ए० मैथिली |

वृत्ति – शिक्षण ,उपाचार्य ,मैथिली विभागाध्यक्ष ,

एम् ० के ० एस ० कालेज , त्रिमुहान ,चंदौना ,दरभंगा ,|

एल० एन ० एम्० यू ० दरभंगा [सेवा निवृत ]

प्रकाशित रचना

१ –कल्प तरु [गीत –संग्रह ]

२ नवदल [कविता –संग्रह ]

३ चैतन्य –चन्द्रायण { महाकाव्य ] -१९७२

लिखित अप्रकाशित रचना

४ अजगुत – अनटोटल [काव्य –संकलन ] प्रेस में|

५ महावीर –हनुमान [कथा –काव्य ]

६ वीर धनंतजय [मैथिली-नाटक ]

७ इंद्रजीत बध [ मैथिली –नाटक ]

८ राजा सलहेस [ मैथिली –नाटक]

९ पृथ्वी –पुत्री [काव्य –नाटिका ]

१०पारिजात –हरण [काव्य नाटिका ]

११ सूर्य –पुत्र

,१२ रुक्मिणी –हरण ,

१३ अज्ञात बास ,

१४ उषा –हरण [काव्य –नाटिका

१५ ग्राम –गाथा [ग्रामान्चलीय उपन्यास ]

रूपेश त्योंथ नामे बेस चिन्हल जाइत एहि युवा रचनाकारक मूल नाओ रूपेश कुमार झा छनि. ई नवकृष्ण ऐहिक नामे आलेख/व्यंग्य ओ रूपेश कुमार झा ‘त्योंथ’ नामे कविता लेखन करैत छथि. हिनक रचना सभ मैथिली पत्र-पत्रिका मे बरमहल प्रकाशित होइत रहैछ.

हिनक जन्म मिथिलाक मधुबनी जिलान्तर्गत त्योंथागढ़ गाम मे 27 मइ 1989 कें भेल छलनि. आरंभिक शिक्षा गामे मे भेल छलनि आ हाइस्कूल पास क’ आगांक शिक्षा हेतु कलकत्ता आबि गेलाह. रूपेश कंप्यूटर अप्लिकेशन मे स्नातक क’ एक आइटी कंपनी सं जुडल छथि. आइटी क्षेत्र मे मैथिली हेतु किछु विशेष करबाक अकुलाहटि हिनका सदति रहैत छनि.

भाखा-साहित्य मे रुचि रखनिहार रूपेश त्योंथ अपना कें मैथिली कार्यकर्ता बुझैत छथि आ भाखा-साहित्य केर प्रसार-प्रसार हेतु कटिबद्ध छथि. ई भारतीय गणराज्य अंतर्गत पृथक मिथिला राज्यक प्रबल समर्थक छथि. रूपेश लेखन सहित अनेको साहित्यिक-सांस्कृतिक-सामाजिक अभियान सं जुडल छथि.

इंटरनेट पर मैथिलीक प्रचार-प्रसार हेतु ई अगस्त 2012 मे मिथिमीडिया केर औपचारिक शुरुआत कयलनि. बहुत कम समय मे मिथिमीडिया अपन सेवा सं नीक पहिचान बनयबा मे सफल रहल अछि. रूपेश मैथिली दैनिक मिथिला समाद सहित अनेको मीडिया हाउस सं जुडल रहल छथि. ई 2010 मे मैथिली साप्ताहिक झलक मिथिला केर संपादन सेहो कयलनि. आइ-काल्हि लेखन ओ मिथिमीडिया केर सम्पादनक माध्यमे मैथिलीक सेवा मे लागल छथि.

रूपेश बहुत कम वयस सं मैथिली मे लिखैत छथि. हिनक आरंभिक रचनादि विभिन्न पत्र-पत्रिका सभ मे प्रकाशित भेल अछि. हिनक रचल कविता केर संग्रह ‘एक मिसिया’ प्रकाशित अछि. हिनक दोसर पोथी शीघ्र प्रकाशित होयत. मैथिली लेखन कर्म ओ रचनाकारक उचित मान-सम्मान हेतु ई साकांक्ष छथि.
FACEBOK:- https://www.facebook.com/rupeshteoth

प्रतिभा एकटा अविरल वस्तु होइत अछि! जेकरा में जतेक तरहक से ततेक निमन व्यक्ति होइत छथि! व्यक्तित्वक परख प्रतिभा माध्यमेटा होययै! कला ककरो बपौती नहि, ओ त साधनाक वस्तु थिक! साधनाक बले कहल जाय छै जे बैजू बाबरा मंजिरा पिघला देने छला आ तानसेनक गीत सुनबा लेल जंगल सँ हिरण सब अबे छल ! एक बेर पबित्र भूमि मिथिला में बरखा नहि भरहल छलै तखन राजस्थान सँ ध्रुपद गायक सब आबि मेघराग(बादलराग) गेने छल, तत्पश्चात चिक्कन बरखा भेलै! कहबाक भाव इ जे संगीत त जानवरोक पियरगर होय छै आ संगे अदभुत शक्तिशाली सेहौ होयै ! सुर कें जखन गायक/गायकी अपन कंठ दे छथिन त मौन, अह गद-गद भ जाय छै! आधुनिक मैथिली जगत में ऐहने अदभुत नाम अछि, श्री हरिनाथ झा जी !मैथिली गायन, संगीतकार, आ ध्रुपद गायन सब क्षेत्र में अदभुत प्रतिभा सम्पन्न आदरनीय हरिनाथ झा जीक जन्म मिथिलाक दरभंगा जिला अंतरगत मधुप नगर कोर्थु में सन 6 जून 1967 कें स्वर्गीय बलराम झा आ रामदाय देवीक परिवार में भेलनि! कोर्थु गाम मूलतः महाकवि चूड़ामणि प. काशी कान्त मिश्र मधुप"जी क कारणे साहित्यक झेत्र म बड़ चर्चित रहल अछि! एतहिक छथि वर्तमान लोकप्रिय हास्य कवि डा .जय प्रकाश चौधरी जनक"जी !कोर्थु गाम साहित्य एवं संगीतक रूप सँ समृद्ध गाम मानल जायत अछि !!!

इ राज्कृत जनता उच्च विधालय, शिवनगरघाट(कोर्थु) सँ 1983 में माध्यमिक, 1985 में C.M Science College,दरभंगा सँ I.Sc केला ओते सँ पदार्थ विज्ञानं सँ 1988 में स्नातक केला!

हरिनाथ झा बच्चे सँ संगीतक प्रति बताह रहला !!संगीतक शिक्षा प्रभाकर (B .A),भाष्कर( M .A), M. म्यूाज , M. फिल्म आदि केँ अतरिक्त हरिनाथ झा भारत क एहन पहिल कलाकार छथि जे आकाशवाणीक सब विधा ,यथाः, युवा वाणी, लोकसंगीत, सुगंम संगीत, शास्त्रीय संगीत, ध्रुपद संगीत एवंम नाटक में मनोनीत भेला !!!!

पछिरल गामक पाछिरल परिवार में जन्म भेलाक बादो हरिनाथ झा कर्मिक रूप सँ उन्नतिशील बनल रहला, तकर मूल आधार अछि गायत्री आ गुरु !!

गायत्री परिवारक संस्थापक सरंझक प .श्री राम शर्मा वेदमुर्ति तपोनिष्ठ आचार्य आ परम वंदनीया माता जी श्री मति भगवती देवी शर्मा हिनक मंत्र गुरु छथि!!!

दरभंगा क परम पूज्य संगीत गुरु पंडित हरिद्वार प्रसाद खण्डेलवाल हरिनाथ झा कें क प्रथम संगीत गुरु छथि!!

दिल्ली प्रवासक मध्य ई ध्रुपद केर डागर परम्पराक शिष्य बनला आ पदम् श्री उस्ताद वसिफ्फुद्दीन डागर सँ शिक्षा ग्रहण करैत रहला!!!!मैथिली में कैसेट-सी-डी आदि हिनकहि सत्प्रयास सँ प्रचलित भ सकल !!संगीत निर्देशक के रूप में मैथिली एवंम अन्यान भाषा में एक हजार सँ अधिक कैसेट T-Series आ कतेको अन्य कंपनी तक उपलब्ध अछि!! 25 सँ बेसी धारावाहिक में सेहो संगीत द चुकला!!

इपटा, N.S.D, दूरदर्शन,संगीत नाटक एकेडमी,साहित्य कला परिषद आदि संस्था में इनपैनल हेवाक अतरिक्त हरिनाथ झा दूरदर्शन लेल कय टा धारावाहिक एवं वृतचित्र सेहो बना चुकल छथि !

1860 ई. में अंग्रेज भारत सँ 500 किसान पनिया जहाज सँ अफ्रीका ल गेल! इ किसान सब अन्य कारणे वापस नै आबि सकला आ अफ्रीका,लिसोटो,जिम्बाबे,बोतूसना आदि देश म बसि गेला! वर्तमान में हरिनाथ झा अहि भारतीय सभकेँ घरे-घर जा भारतीय संगीत,हिंदी,मैथिली ,भोजपुरी,पूजा-पाठ,मंत्र,परमपरा आदि सीखा रहल छथि !!!

आइ संप्रति इ दक्षिण अफ्रीका में रहि रहल छथि!

इ कोलकाताक मिथिला विकाश परिषद् दुआरा 2001 में मिथिला सम्राटक अलंकार सँ विभूषित कैल गेला जे हिनक अदभुत मैथिली सेवा लेल देल गेलनि ! छतीसगढ़ केर मैथिली मंच दुआरा विधापतिक गायनक "दादा फाल्के पुरस्कार सँ सेहो सम्मानित छथि!

किछ अन्तराष्ट्रीय आ और दोसरो मैथिली संघक सम्मान स सम्मानित छैथ, जकर जानकारी हमरा नै अछि.....

हरिनाथ झा जीक, युवा अवस्था क फोटो

सवांद:- मनोहर कुमार झा, राजीव मिश्र प्रस्तुति:- अपन मिथिला धाम

Tags:- Hari Nath Jha, Maithili Singer Hari Nath Jha, Dhrupad singer Hari Nath Jha, Korthu Ratn Hari Nath Jha, Hari Nath Jha maithili Songs, Hari Nath Jha Video Songs, Free Download Hari Nath Jha Maithili Songs, Biography of Hari Nath Jha, Hari Nath Jha of Korthu Village(Darbhanga), Hari Nath Jha in South Africa, Hari Nath Jha

मिथिला विभूति मुधर्न्य गायक सुमन सौरभक जन्म मिथिलाक दरभंगा जिलाक "मधुप नगर" कोर्थु में 9 फरवरी 1979 कें भेल छल! इ स्व० श्याम किशोर ठाकुर आ शकुन्तला देवीक कनिष्ठ बालक छथि! अदभुत प्रतिभा व्यक्तित्वक धनि छथि! गायकी के संगे-संग क्रिकेट म सेहो रूचि छनि, जाहिक कारणे कतेको बेर "मैन ऑफ़ द मैच" कें ख़िताब स्थानीय ग्रामीण प्रतियोगता सब में भेटल छनि!

मैन ऑफ़ द मैच क पुरस्कार प्राप्त करैत सुमन सौरभ

सन 1995 में सुमन सौरभ, शास्त्रीय गायक आ कवि अम्बोध मिश्र "मगन" जी सँ गायकी विधाक शिक्षा प्राप्त केनाइ प्रारंभ केलनी ! वर्तमान में इ स्थानीय प्राथमिक विधालय, सोनहद(कोर्थु ) में अध्यापन करै छथि!

मिथिलाक इ विभूति मूलतः भगवती गीत सँ अपन झंडा गारने छथि !

हिनक प्रथम ऑडियो कैस्सेट सन 1999 में नीलम कास्सेट्स सँ देवी महिमा आयल छल, जे पूरा मिथिलांचल म धूम मचा देने छल, " छौ पुत्र बड़ बिकल माँ कोरा में तू उठा ले ....." अजय जीक लिखल अहि एल्बमक इ गीत बेस चर्चित रहल ! करीब लाखो सँ बेसी इ कैस्सेट बिकायल छल, मैथिलिक कुनो भी देवी गीतक कैस्सेट, एखेन धरि(प्राप्त जानकारीक मुताबिक) एतेक व्यवसाय नै केलक हा! जे एगो बहुत पैग उपलब्धि अछि! ओकर बाद आयल दोसर कैसेट सिनुर जाहि में जनक जीक लिखल गीत "गर्दन में छुरी लगेलये यो पपा नास केलये........" बेस चर्चित रहल छल , अहि संगे-संग हे दुर्गे मईया, देवी वन्दना, देवी माँ, देवी दर्शन, भगवती आराधना, खोलू नयन मईया, जय कनियाँ आ दुलरुआ बरुआ इ सब कैस्सेट बेस चर्चित रहल!

मैथिलीक चर्चित कम्पनी नीलम, सती, स-सिरीज, भारती आ जय श्री अहि ठाम स इ गाबि चुकल छथि ! सन 2012 क फरवरी में बहुत दिनक बाद, श्रोताक विशेष मांग पर, मैथिलीक पारंपरिक मुंडन गीतक कैस्सेट बरुआ -दुलरुआ निकाल लैथ, जे बेस चर्चित रहल, पहिले कें भांति इहो कैस्सेट खूब धूम मचौलक !

आशा करै छी अपन अध्याप्नक संग माँ मैथिलीक सेवा अनवरत करैत रहता !!!

संवाद :- मनोहर कुमार झा, राजीव मिश्र

प्रस्तुति:- अपन मिथिला धाम
more about pic and information of suman saurabh coming soon...............

Tags:- maithili Singer Suman Saurabh, maithili Devi geet singer Suman Saurabh, Suman Saurabh maithili songs, Suman Saurabh maithili devi songs, Jai kaniya Suman Saurabh, korthu, Suman Saurabh of korthu, Kothu Village, Suman Saurabh proud of korthu village(darbhanga Mithila, Devi Mahima Suman Saurabh songs, Barua Dularua Suman Saurabh, Bhagwati songs of Suman Saurabh, suman saurabh bhagwati geet

APAN MITHLA DHAAM

Facebook Page

Recent Posts

Categories

Artist